ظلمناكي يا عراق

Admin عدد الرسائل : 36 تاريخ التسجيل : 16/02/2008

--------------------------------------------------------------------------------

هذه قصيدة باللهجة العراقية تصف مايدور
الآن في الشارع العراقي
ظلمناك يا عراق
أسكتوا..أسكتوا ولكم بسكم عاد..بسكم طائفية.....
هذا يصيح اني سني وهذي تصيح اني شيعية .....
من ياوكت صارت الناس تحجي بالمذهبية.....
كول اني عراقي وانتِ..أنتِ كولي انه عراقية ...
بيا شرع بيا دين بيا دنيا صار البشر ينكتل عالهوية....
لا والله ما صار ولادار هالظلم وهالهمجية ....
بالشوارع .. بشوارع بغدادنه الحبيبة الجثث مرمية ....
من اسأل واكول ليش انكتلوا هالناس يكلك ماندري هذوله مجهولي الهوية
ولكم غابة..خوما بغابة صرنه..لا والله حتى الغابة ما بيها هالوحشية....
ناس تكتل ناس ..ليش ما يدرون .. بحجة كال السيد وكال الشيخ وهاي هيه
ناس تتفرجلي الجزيرة وناس تتفرجلي العراقية....
وناس تكره ناس عالخالي بلاش بعد ما جانوا عايشين ابيت واحد سوية
اذا انتوا هيجي زلم وسباع وماخذتكم الحمية ....
هذاك وينه الامريكي يصول ويجول بأرضنه ومحد يوكف بوجه وكفة قوية
العالم تسأل..يكلك العراق كله زلم وسلاح واليقاتل الامريكي بس (1) بالمية ؟...
لعد وين راحت الزلم الخشنة وين راحت الغيرة العربية
شكللهم... اكللهم ناس تذبح ناس بالشوارع؟ أكللهم هم ذوله البقية !!!.....
شريد اجاوب؟..اكللهم خلف الله على التخلف وخلف الله على الطائفية ؟
صار ياهو اليجي يكول اني للجنة وانت للنار مو صارت هيته هي....
ما فكرت بيوم القيامة شتكول لربك؟..تكله ربي سامحني اني معليه؟
ما ادري اضحك ما ادري ابجي ما ادري اسكت واكول اني سويت العليه...
احجي والحجي شيفيد مادام اكو ناس مصرة ترجع لعصر الجاهلية .....
تقبلوا تحياتي
سعد العكيدي
بغداد الأمجاد / عراق كل العرب